Nuntii Latini, conspectus rerum internationalium hebdomadalis, est programma Radiophoniae Finnicae Generalis (YLE) in terrarum orbe unicum. YLE Radio Finland eosdem nuntios undis brevibus et per satellites et per rete informaticum Internet ubique terrarum divulgat. In Finnia programma in primo reti YLE emittitur.
Singulis transmissionibus, quae quinarum minutarum sunt, res politicae internationales et domesticae Finnicae maximi momenti breviter tractantur, interdum etiam artes resque athleticae, si spatium temporis patitur.
Postquam consilium de nuntiis Latinis inire in colloquio redactoris Hannu Taanila et docentis universitarii Helsinkiensis, Reijo Pitkäranta, captum erat, primi nuntii Kalendis Septembribus anno 1989 emissi sunt.
Inde ab initio Reijo Pitkäranta et Tuomo Pekkanen, professor emeritus, nuntios alternis septimanis colligunt et Latine reddunt.
Praeter redactores tres locutrices nuntios recitant, Virpi Seppälä-Pekkanen (licentiata in lingua Latina) necnon Laura Nissinen (studens) et Outi Kaltio (studens).
Nuntii Latini I-V
Nuntii Latini, dum radiophonice audiuntur, etiam in formam magis permanentem redacti sunt. Quod opus culturale gessit Societas Litterarum Finnicarum, quippe quae textus nuntiorum nec non eorum epitomas Finnicas et Anglicas ac vocabularia typis imprimeret. Singuli libri duos annos complectuntur. Libri.
Relatio annua
YLE ad honorem anniversarii relationem societatis annuam Latine quoque edendam curavit (praeter editiones Finnice, Suetice et Anglice factas). Hunc libellum in Latinum convertit docens Reijo Pitkäranta, unus ex duobus Nuntiorum Latinorum redactoribus.
Relationem annuam Latine proferendo YLE ostendere vult, quam magni eam gratiam aestimet, qua Nuntii Latini apud omnes valeant. Qui nuntii societatem YLE apud omnes gentes notiorem fecerunt, quam ulla alia programmata, nisi forte quod omnium societatum radiophonicarum sola relationem suam annuam Latine edidit.
Radiophonia Finnica Generalis relationem annuam suam Latine redditam scholis et universitatibus in toto orbe terrarum, postquam Radiophoniam de inscriptione sua cursuali certiorem fecerint, libenter mittet.
De re accuratius docet et mandatelas relationis annuae curat:
Nuntii Latini
LC 60
00024 YLEISRADIO
FINLANDIA
nuntii.latini@yle.fi
Die Saturni (13.3.) septuaginta anni acti erant, cum pax inter Finnos et Russos post bellum hibernum per centum quinque dies acerrime gestum facta est.
Nuntii Latini, conspectus rerum internationalium hebdomadalis, est programma Radiophoniae Finnicae Generalis (YLE) in terrarum orbe unicum.
YLE ad honorem decimi anniversarii (1999) relationem societatis annuam Latine quoque edendam curavit (praeter editiones Finnice, Suetice et Anglice factas).
Catechismus parvus, a Martino Luthero compositus, est unus ex libris confessionalibus ecclesiae Finnicae evangelico-Lutheranae.
Hae YLE Radio 1:stä:
Nobis scribe: nuntii.latini(a)yle.fi
Accidit etiam ingeniosis adulescentibus frequenter, ut labore consumantur et in silentium descendant nimia bene dicendi cupiditate. (Quintilianus)
Nuntii Latini - News in Latin - is a weekly review of world news in Classical Latin, the only international broadcast of its kind in the world, produced by YLE, the Finnish Broadcasting Company.
Nachrichten auf Latein können in Finnland jeden Freitag um 18 Uhr 15 auf YLE R1 gehört werden.
YLE Radio 1, Radiokatu 5, PL 6, 00024 Yleisradio | Puh. +358 9 14801 | Sähköposti: etunimi.sukunimi@yle.fi | yle.fi | Vastaavat ohjelmatoimittajat
